جدول الطبخ الرمضاني اليومي.....

[desert-_-rose]

مسج منك ما وصلني والله..

ومع انو ما عندي عربي.. بس لو وصلتني بتوصلني مشفرة .. لووول

اني واي, النية واصلة حبي...

الدجاج المحشي يا بطة...
بتفلفلي رز "الحبتو طويلة" مع لحمة مفرومة مئلية وبصل.. واكيد ما تنسي تكتري مكسرات من الي بحبها البك والي انتي بتحبيها.. انا بحط صنوبر ولوز وفستق حلبي...
ليكون طعم الرز طيب بتكتريلو بهارات " السبع بهارات" هيل مطحون وشوية ئرفة كمان..
وانا دايما بستعمل ماجي مع الرز..فلا تنسي تحطي منو..

هي الخلطة جاهزة..
كل الي بدك اياه هلا دجاجة منضفتيها بليمون وملح منيح...وتكون منئوعة بالصلصلة الي بتحبيها.. وازا كانت منئوعة من ابل بيوم بكون احسن.. لانها بتاخد طعمتها منيح..

بتحشي الدجاجة بالرز المفلفل المطبوخ الجاهز.. وبتدهنيها من برا باللي بدك اياه..سمنة, زبدة, شوية زيت...
وبتحطيها بالصينية وبتلفي الصينية بورق قصدير..
ازا عندك شبك تحطي تحت الدجاجة بقلب الصينية لترفعيها بكون احسن.. هيك بتكون الدجاجة احسن وبتطلع اطيب..

وبدا شي ساعة زمن بالفرن لتستوي..

وصحتين وعافية...

__________________

البحث عن مواضيع لنفس العضو

[nawara2007]

المشاركة الأصلية كتبت بواسطة desert-_-rose

مسج منك ما وصلني والله..

ومع انو ما عندي عربي.. بس لو وصلتني بتوصلني مشفرة .. لووول

اني واي, النية واصلة حبي...

الدجاج المحشي يا بطة...
بتفلفلي رز "الحبتو طويلة" مع لحمة مفرومة مئلية وبصل.. واكيد ما تنسي تكتري مكسرات من الي بحبها البك والي انتي بتحبيها.. انا بحط صنوبر ولوز وفستق حلبي...
ليكون طعم الرز طيب بتكتريلو بهارات " السبع بهارات" هيل مطحون وشوية ئرفة كمان..
وانا دايما بستعمل ماجي مع الرز..فلا تنسي تحطي منو..

هي الخلطة جاهزة..
كل الي بدك اياه هلا دجاجة منضفتيها بليمون وملح منيح...وتكون منئوعة بالصلصلة الي بتحبيها.. وازا كانت منئوعة من ابل بيوم بكون احسن.. لانها بتاخد طعمتها منيح..

بتحشي الدجاجة بالرز المفلفل المطبوخ الجاهز.. وبتدهنيها من برا باللي بدك اياه..سمنة, زبدة, شوية زيت...
وبتحطيها بالصينية وبتلفي الصينية بورق قصدير..
ازا عندك شبك تحطي تحت الدجاجة بقلب الصينية لترفعيها بكون احسن.. هيك بتكون الدجاجة احسن وبتطلع اطيب..

وبدا شي ساعة زمن بالفرن لتستوي..

وصحتين وعافية...

تسلم ايديكي أم الروز والله باينتها طيبة كتير بس شكلها بدها شغل كتير خلص أسهل الشي أني أجي آكلها عندك


سوري طولت لرديت عليكي بس والله ما فضيت فوت عالنت هاليومين

سلميلي عالحلوين

__________________

البحث عن مواضيع لنفس العضو

[desert-_-rose]

لول...

مش بيناتنا ست نوارة...

ويا ميت اهلا وسهلا.. اتفضلي.. انا اليوم عاملة عزومة للصبايا...

بس ما فيها دجاج محشي...لووول

عاملة حسب الطلب صينية كفتة..

تبولة اكيد,
ورء عنب بزيت,
سمبوسك بجبنة,
شوربة ,
وخبز متوم بالفرن...

ممممم ما بعرف, بكفي والا شو رايكم؟؟؟

__________________

البحث عن مواضيع لنفس العضو

[ward_elrabee3]

مرحبا صابايا
وانشالله كل عام واتنو بخير
وينعاد علينا وعليكم بالخير والبركه

انا بصراحه برمضان ما عم افوت للمطبخ
لاني يوميا بكون معزومة يا عند امي او عند مرت عمي (حماتي) يعني

بس نحنا دايما عنا اساسي
السمبوسك ب لحمة و جبنة
والفتوش
والشوربه
ومرات منعمل فته
انا بحب فتة المكدوس
وطبق رئيسي
والحلويات طبعا
انا بحب زنود الست والقطايف بالجبنه

ومن الا طباق الرئيسية الطبيه
بنقلكم هالوصفة
الدجاج المحشي بالأرز المتبل

المقادير:
- دجاجة متوسطة
- ½ ملعقة شاي ملح
- ¼ ملعقة شاي فلفل أسود
- ½ ملعقة شاي كمون
- ¼ ملعقة شاي كزبرة
- ½ ملعقة شاي فلفل أحمر حريف
- ½ ملعقة شاي كاري
- عصير ½ ليمونة
- 3 ملاعق طعام زيت زيتون
- 1 طماطم مقطعة شرائح سميكة
- 1 بصل مقطعة شرائح سميكة
- فليفلة أي لون مقطعة شرائح

الحشوة:
½ كوب ارز مصري
4 ملاعق طعام زيت زيتون
1 بصل مفروم فص ثوم مفروم
قرن فلفل تشيبي لأخضر مفروم
¼ ملعقة شاي قرفة
¼ ملعقة شاي كمون
¼ ملعقة شاي كاري او بهار مخلوط
¼ ملعقة شاي ملح
¼ ملعقة شاي فلفل أسود
¼ ملعقة شاي فلفل أحمر حريف بودرة
½-3/4 كوب ماء

الأرز:
2 كوب ارز بسمتي المتبقي من الأرز المتبل
6 حبات هيل
2 عود قرفة
ملعقتين طعام ملح
1 بصل مقطعة شرائح




طريقة التحضير:

الدجاج:
تبلي الدجاج بالتوابل والليمون والزيت.

الحشوة:
· حمري البصل في زيت الزيتون.
· أضيفي الثوم والتشيلي. حمريه.
· أضيفي الأرز وحركيه مدة دقيقة.
أضيفي التوابل وحركيه مع الأرز مدة 30 ثانية.
· أضيفي الماء حتى ينضج الأرز نصف نضج.
· ارفعيه عن النار واتركيه يبرد.
· احشي الدجاج بالحشوة.
· ضعيها في صينية الفرن وضعي حولها الخضروات.
· غطيها بالقصدير وادخليها الفرن مدة ساعة.
· ارفعي القصدير وحمري الدجاج من الجهتين.

الأرز:
· اغلي الماء على النار مع الملح والهيل والقرفة.
· أضيفي الأرز. عند قرب النضج أضيفي الأرز المتبل واتركيه على النار حتى ينضج الارز تماما. · صفيه من الماء. اسكبي في قاع الطنجرة القليل من الزيت.
· ضعي الأرز. حمري البصل في الزيت واسكبيه على الأرز.
· اتركي الأرز على نار هادئة جدا مدة 30 دقيقة. · قدميه مع الدجاج المحشي.

وهاااي من اكتر الاكلات اللي بحبها
وصحه وهنا

__________________

البحث عن مواضيع لنفس العضو

[mayarh_m]

سالخير
اليوم قررة ادخل ع المتبخ ( بعد ما سمعت شي ستميت كلمه ونئره من العيله الكريمه)
اعدة ساعة ابعبش بالهتلاجه والجوارير اشوف شو في اشي ينتبخ
مسكت اكتاب للتبخ لشواسمها منال الابسر شو
المهم
كل تبخه اسعب من اختا وكلهم بدهم جهد جهيد (بدي اشي اغمد عين افتح عين يكون جاهز)
بالاخر ما لئيت ابرك من المئلوبه وخاصه انو بزبتها زي ستي ( ياحرام تعبت عميل ما علمتني اياها)
يا سيداتي انساتي لانو ما دل في رجال..
بدي اعمل ما يلي..
_ مئلوبه بالبيتنجان والزهر والبتاتا والحمــص امممممممممممممم واكيد جاج مشوي
_سلطه ناعمه_
بئدونسيه_
واكيد مخللات مشكله
وفجل وبصل اخضر
( لما يكون حاتين هالشغلات الخضرا ع السفره بحس حالي اعدة بين حشيش ماااااااااااااء )
والشوربه جاهزه تبعت هاي شوسمها كنور
والحلو هني يجيبوه شو خصني
بكفي هيك ازا حبو يعملو اشي تاني هني حرين

وبالهنا والشفا ع البنا ان شالله
عن ازنكم لروح ابلش

رمدان مبارك عليكم كلكم كلكم كلكم
بدي احكيلكم تعالو افترو عندي بس فرء الوئت بينا بتعرفو كيف ( حجه بفرجه)

صيام مقبول وافتار هني ان شالله
\
\

__________________

البحث عن مواضيع لنفس العضو

[nawara2007]

أنا عندي عزيمة اليوم واااااااااع خايفة ما لحق



المهم عاملة:


مقلوبة
صينية دجاج بالصلصة الحارة
سمبوسك
فتوش
شوربة فطر
حاجة ما؟؟؟؟

يلا ادعولي .... تشاااااااااو

__________________

البحث عن مواضيع لنفس العضو

[roro21985]

ما شاء الله العين ما تطرئكم يا حق

خمسه وخميسه الكل فايت المطبخ
حتى ميوره الغيوره ريتو مبروووووووووك عقبال الفرخه الكبرى

والله يا صبايا منتو مقصرات يجعل بيوتكم عامره الهي

اما ورد الربيع شي فاخر من الاخر مو تعبانه غير بالاكل بدي احسدها
قال امي وحماتي ( نيالك يا ضرسانه)

جاي ع بالي كبسه
وما حدا بحبها غيري
شوووووووو اعمل

( حدا منكن يزوء ويعزمني عليها)

__________________

البحث عن مواضيع لنفس العضو

[ward_elrabee3]

المشاركة الأصلية كتبت بواسطة roro21985

ما شاء الله العين ما تطرئكم يا حق

خمسه وخميسه الكل فايت المطبخ
حتى ميوره الغيوره ريتو مبروووووووووك عقبال الفرخه الكبرى

والله يا صبايا منتو مقصرات يجعل بيوتكم عامره الهي

اما ورد الربيع شي فاخر من الاخر مو تعبانه غير بالاكل بدي احسدها
قال امي وحماتي ( نيالك يا ضرسانه)

جاي ع بالي كبسه
وما حدا بحبها غيري
شوووووووو اعمل

( حدا منكن يزوء ويعزمني عليها)

يا هلا رورو
تفضلي معنا يا مية اهلا وسهلا فيكي وبتنوري
وبالنسبه للكبسة انا عندي طريقة سهلة وطيبه

المقادير
1 دجاجة مسلوقه ومفتته لقطع متوسطة بدون عظم
2 كوب رز بسمتي منقوع
2 بصله مفرومه وسط
2 بندوره حمره مفرومه وسط
1 ملقعه معجون طماطم
بهارات ملقعة صغيره من ( فلفل اسود - بهار حلو - هيل مطحون - كبش قرنفل )
وملح
شوية صنوبر مقليين للزينة
الطريقه:
بطنجره منحط شوية سمنه او زيت ومنقللي البصل ليدبل
وبعدين منحط فوقو الدجاج ومنحط البهارات والملح ومنقلبهم
ومنضيف البندوره ومعجون الطماطم وكمان منقلبهم شوي
وبعدين منحط الرز وتقريبا شي 4 كبايات من مرقة الدجاج
وغطي الطنجره واتركيها ل تستوي وتنشف
وزينيها بالصنوبر المقللي
وصحة وهنا
وانا بعمل حدها صوص حار
عباره عن
1 بندوره حمرا
2 فص توم
شوية كزبره مفرومه
قرن فلفل حر
ملح وفلفل
بحطهم بالخلاط وبخلطهم
وبيصيرو صوص غير شكل مع الكبسه
وصحة وهنا
جربيها وقوليلي كيف طلعت

وتحياتي للجميع

__________________

البحث عن مواضيع لنفس العضو