السلام عليكم ورحمة الله وبركاته
حملة حقنا
حملة لكل العرب
حملة حقنا فكرة زرعها استاذ عمرو خالد فى حلقة الايجابية فى برنامج صناع الحياة
نماها لما عمل برنامج حتى يغيروا ما بانفسهم
والفكرة عشتها بئالى سنين بس عشتها لوحدى وبدات بنفسى ودلوئت جتلكم ننشرها ونزرعها فى كل بيت ومكان ومدرسة وحى ومسجد
حقنا فى خدمات قدمتهالنا الدولة ودفعت عليها فلووس ايوة
لازم تفهم ابنك وابنى ونفهم نفسنا قبلهم كويس يعنى ايه دخل قومى ويعنى ايه مال عام ويعنى ايه قطاع عام
دفعت لكل مدرس راتب شهرى على تعليم بيديه لاولادنا وطبعا كلنا عارفين مدارسنا
دفعت لكل موظف من اول عامل النظافة اللى مبيشلش الزبالة غير لما تديله اكرامية
ولا موظف الشباب والرياضة اللى قاعد على مكتبه ولما الوزارة تعمل عقود شغل يبيعها
ايوة ولما استاذ محمد عين ابن اخته محاسب مع انه خريج اداب
ولما اتعين مدرس كمبيوتر فى المدرسة بشهادة دورة ويندوز مع انه ميعرفش يعنى ايه فولدر
حقنا لما ابن الجيران كسر لمبة العمود
وزميل ابنك شخبط على الديسك مع انه من حق كل تلميذ ديسك نضيف
ولما ابنك تعب وراح التامين الصحى ملقاش هناك دكتور اصلا
ولما راح التامين ومدهوش بنج
ولما رحت المستشفى ولقيت الدكتور معاده الساعة 12 مع انه بياخد مرتب انه شغال من 8 ل2 وحوافز كمان
والمدرس اللى المفروض شغال 7 حصص مع انهم حصتين ويجرى يلحق الدروس الخصوصية
والمدرس فلان اللى شغال مجموعات دروس خصوصية من الساعة 8 من بداية الترم ويدوبك يلحق يدى حصة فى المدرسة ده لو حصل سبحان الله مع ان ده ميعاد المدرسة اللى بياخد عليه مؤرتب شهرى من 8 ل12 فى المدرسة
ولا استاذ عبد السلام حاجج بيت الله ومربى دقنه ومبيسبش سبحه من ايده مع انه قاعد على مكتبه بيشرب شاى وسايب الاخت سامية تقور بتنجان فى وزارة الشئون الاجتماعية
ولما ابنك اخد معونة اجتماعية 150 جنيه الدولة مخصصها للغلابة مع ان باباه اكبر تاجر سمك
ولما استاذ محمد عمال يشتكى قلة الراتب مع انه نسى العقد اللى مضاه كان على اساس انه بيشتغل كام ساعة
مع ان الولايات المتحده فيها حاجة اسمها راتب يومى وراتب ساعة تخيل لو مشينا نظام راتب الساعات ده هيحصل ايه هههههههه
ولما احمد اتهرب من تذكرة القطار مع انه مالنا ولما لما دى كلها حقوفنا دى اموالنا
لازم نعرف نفسنا قبل اولادنا يعنى ايه مال عام ويعنى ايه دخل قومى وليه بندفع الضرايب
حقنا لازم ناخده ناخد من كل موظف ميدناش حقنا وبياخد راتبه كامل
من كل تلميذ بيشخبط على الديسك
حقنا لازم نعلم ولادنا ياخدوه من كل مدرس مبيشرحش
حقنا فى خدمات ناخدها الدولة بتدفع مقابل ليها
حقنا من كل راتب شهرى بيستلكمم كل موظف وعامل فى قطاع عام
لازم نعرف ولادنا ان الثورة قامت وملكت الشعب موسسات كتير علشان تدينا خدمات وعينت كل مسئول يراقب اللى تحته ولكن اصبح كل مسئول بيسرق زى اللى قبله
بدات بان القطاع العام قطاع يخدم المواطنين مقابل رواتب من الدولة وانتهت برواتب من الدولة بدون انتاج ولا خدمات
لازم نعرف ولادنا ليه بئينا كده لان لما ابنك ساب حقه وانت دفعت اكرامية ولما خليت ابنك خد درس خصوصى والمدارس بئت زى قلتها ومهايا ورواتب كل شهر ا مش اقل من 20 مليون موظف
لما زميل ابنك كسر زجاج المدرسة وشخبط على الديسك ضيع حق غيره فى تعليم نضيف
لازم نتكلم عن حقوقنا ونعلم ولادنا اللى ليهم واللى عليهم
لازم نوصل لكل بيت ومدرسة وحى ومسجد
بجد اتمنى الفكرة تتبناها جمعية صناع الحياة وجمعيات كتير
يتبناها كل واحد فينا
ساعدونى منسبش منتدى الا فيه الحملة ومنسبش شارع ولا كليه ولا مدرسة مفيهاش شعار
حقنا
مستنية رايكم ومشاركاتكم وياريت تكونوا معانا
يا ترى حد هيكون ويانا
حملة حقنا
العرض العادي
